البنت والشب بعد العزيمة

البنت ((( بعد الرجوع من العزيمة))))

هي:
يوووه راح نص عمرك.. هلأ اجيت من العزيمة
أختها:
شو حطوا؟

هي:
يو يو يو ، حطو شي بجنن ما في شي ماحطوا، أول شي الشاي، فناجينهن بتجنن مزخرفه
ومسكاتها ذهبيه ، بعدين الكاتو لك ما بعرف من وين جايبينوا طعمته بتجنن وحاطينوا بصواني
تقيلة وفيها نقط صغيييره لونها أخضر ،
والمكسرات شغلة
ولا العشاء!
اوووووووه بجنن (يستمر وصف الاكل ساعة ونصف)

أختها:
اجت ريم؟
هي:
ايه اجت، يالله لبسها بجنن، لابسه فستان وردي مطرز بكرستال بني ، لبسها عنجد بياخذ العقل
أختها:
لايكون نفس اللي لبسته
قبل 5 سنين؟
هي:
لا لا هديك المره لابسه فستان أحمر مو وردي ولا كان فيه كرستالات
اختها:
أصبح شكلها لابسه فستان بنت عمها ياسمين لاني شايفه
اللبس هدا
عليها
هي:
اي والله، انها مابتستحي ؟ لا ياسمين بتعرفي شو لابسه ؟
اليوم لابسه لبس بوجع الراس ، أبصر من وين جايبتو
أختها:
وجزمتها؟
هي:
ما بعرف ماشفتها، بتصدقي طول العزيمة واناعم حاول
شوف الجزمة
بس ماقدرت، حتى انو
يوم مليت ع الاخير
وقعت شنطتي تحت الكرسي الي قاعدة عليه ع اساس ما انتبهت ونزلت راسي اخد
الشنطة مشان اقدر شوف الجزمة بس ماقدرت، لبسها كان طويل كتير ومغطي الجزمة
اختها:
اكيد جزمتها مثل لبسها بتقرف .. هي دائما هيك ذوقه شرشوح كتير …طيب
ومكياجها كيف كان؟
هي:
يع مكياجها مخليها اكبر من امها، تخيلي حاطة حمرة بني،
ولا المسكرة ما لابقتلا بنوب مدري مين مضحك عليها وحاططلا هالمكياج

اختها:
طيب وتسريحة الشعر
هي:
تسريحة مين؟ ريم ولا ياسمين ؟
اختها:
التنتين
هي:
تسريحة ريم حلوة، حاطة بكلة وردية، والشعر
صابغته بلون كحكحي
بس مافي شي ..حلو
اختها:
كحكحي؟ شو يعني ؟
هي:
مابتعرفي الكحكحي؟ هدا لون جديد
للصبغات ، اذا شفتيه بتجيك الكحه(سعلة يعني ^^) بسرعة
حتى سألتها وين عاملة سيشوار شعرك أم طنشت ع الموضوع وماجاوبتني ، اما ياسمين تسريحة
شعرها باييييخة، شفتي تسريحة

خدامتنا
وهي عم تغسل الطناجر؟ نفسها بالضبط
اختها:
يي ع ذكر الخدامة؟ خدامة ياسمين شو لابسه
هي:
الخدامة لبسها عادي،بس جزمتها حلللللللللللوة ، بتجنن ماكأنها جزمة خدامة، لونها

اسود وعليها خيوط فسفورية

اختها:
بالله هي مو جزمة ياسمين ؟؟!!
هي:
اي والله؟ وانا عم اقول وين شايفة هالجزمة .. هي جزمتها قبل عشرطعش
سنة، اتذكرها شكلها عطتها للخدامة

بدل ماتكبها في الزبالة
ويستمر الحكي إلى صلاة الفجر


الولد ((((بعد الرجوع من العزيمة))))
هو:
السلام عليكم، هلأ اجيت من العزيمة كل الشباب بيسلموا عليك
اخوه: الله يسلمك ويسلمهم

انتهت المحادثة